Yellow%20Lounge%20Chair_edited.jpg

Velkomin -

BÚUM VEL

  • BÚUM VEL veitir fólki á tímamótum sérhæfða lögfræðiþjónustu vegna búsetuskipta, með áherslu á þjónustu við 60 ára og eldri.

  • Viðskiptavinir njóta aukinnar þjónustu við fasteignasölu,

       en greiða sama gjald.

  • Fasteignasölurnar Eignamiðlun og Torg veita afslátt til viðskiptavina BÚUM VEL sem nemur þóknun fyrir þjónustu fyrirtækisins. Það er góðu samstarfi að þakka að unnt er að bjóða þjónustuna, þér að kostnaðarlausu.

 

Margþætt ráðgjöf á sviði erfðamála og búsetubreytinga

Markmið fyrirtækisins er að veita persónulega þjónustu og hjálpa fólki að fóta sig í heimi fasteigna-sölu og -kaupa. Algengt er að byrja á opnu samtali og yfirferð um óskir og þarfir viðskiptavina. Í framhaldinu getur fyrirtækið séð um eftirfarandi verkefni fyrir hönd viðskiptavina.

  • Sala fasteigna:  Skráð fasteign á söluskrá og séð um öll samskipti við fasteignasölu og kaupendur. Viðskiptavinir fá hjálp til að meta kauptilboð og aðstoð við yfirlestur kaupsamnings og afsals, svo að þú vitir nákvæmlega hvað þú ert að skrifa undir. 

  • Kaup fasteigna: Í opna samtalinu er markmiðið að komast að niðurstöðu um búsetuform sem hentar þér best á þessum tímamótum. Þær upplýsingar eru nýttar til að finna réttu eignina handa þér og þú nýtur þjónustu í gegnum allt kaupferlið.

  • Aðstoð við löggerninga: Það á einkum við um samninga er varða erfðir, búskipti, fjármál hjóna og fjárskipti, s.s. kaupmála, erfðaskrár, skilnaðarsamninga og uppgjör dánarbúa.

Hvers vegna ætti ég að leita til BÚUM VEL?

Er komið að því að skipta um eign?

​Það er oft erfitt að taka þá stóru ákvörðun að selja íbúðarhúsnæði. Sérstaklega reynist það mörgum flókið þegar árin færast yfir.

 

Þarfir okkar fyrir húsnæði eru ekki þær sömu þegar við erum 35 ára eða þegar við erum komin yfir sextugt. Við heyrum oft fólk segja þegar það hefur selt húsið og flutt í hentuga íbúð.

"Ég vildi að ég hefði gert þetta fyrir 10 árum".

Hvar langar þig að búa?

Hvaða búsetuform hentar þér best á þessum tímamótum?

 

  • Hverjar eru þarfir þínar núna?

  • Hvernig sérð þú nýja heimilið fyrir þér?

  • Er það íbúð í fjölbýli eða er það í einbýli?

  • Er það í borginni eða úti í sveit?

  • Þarft þú stærra eða minna húsnæði?

  • Hvað hentar þér best miðað við núverandi aðstæður?

 

 

Að samtalinu loknu finnum við réttu eignina og þú færð hjálp við að ganga frá kaupum.

Fyrir framtíðina

Fyrirtækið veitir yfirgripsmikla þjónustu á sviði erfðamála svo þú getir verið fullviss um að ráðstöfun eigna þinna  sé eftir þínum óskum.​

  • Vilt þú tala um hvert eignir þínar renni eftir þinn dag?

  • Vilt þú gera tilteknar ráðstafanir varðandi eigur þínar?

  • Vilt þú greiða hluta eigna þinna til barna í formi fyrirfram greidds arfs?

 

Elín Sigrún Jónsdóttir

Lögmaður, eigandi BÚUM VEL

Um BÚUM VEL

 

Þjónusta fyrirtækisins sameinar þekkingu, reynslu, hæfileika og ástríðu Elínar. Hún hefur starfað sem lögfræðingur, lögmaður, markþjálfi og framkvæmdastjóri sl. þrjá áratugi, fyrir fjölmörg fyrirtæki og stofnanir og á að baki fjölbreytta reynslu.

  • Lífeyrissjóður ríkisstarfsmanna, í lánadeild

  • Eignamiðlun, skjalagerð kaupsamninga og afsala og lausn ágreinings vegna gallamála við fasteignakaup

  • Lögmenn Höfðabakka, innheimta og málflutningur

  • Byko, lögmaður fyrirtækisins, annaðist m.a. sölu fasteigna félagsins

  • Húsnæðisdeild félagsmálaráðuneytisins, hún skrifaði og vann að fjölmörgum lagafrumvörpum og reglugerðum á sviði húsnæðismála og greiðsluvanda heimilanna

  • Ráðgjafarstofa um fjármál heimilanna, hún var fyrsti forstöðumaðurinn

  • Dómstólaráð,  var framkvæmdastjóri ráðsins í áratug

  • Útfararstofa Kirkjugarðanna, hún var framkvæmdastjóri í sex ár. Elín setti m.a. á fót lögfræðiþjónustu útfararstofunnar. Hún þjónaði syrgjendum og fólki sem vildi ráðstafa eignum og gera hinsta vilja og erfðaskrár. Þá annaðist hún frágang dánarbússkipta

  • Kennsla í Verzlunarskóla Íslands

  • Síðastliðna áratugi hefur Elín með góðum árangri veitt fjölskyldu, vinum og viðskiptavinum ráðgjöf  varðandi sölu og kaup fasteigna.

Önnur þjónusta

BÚUM VEL veitir ráð varðandi löggerninga á sviði erfðamála,  búskipti, fjármál hjóna og fjárskipti, s.s. kaupmála, erfðaskrár, skilnaðarsamninga og skipti dánarbúa.

Hinsti vilji

Boðið er upp á samtal og vinnslu  yfirlýsingar um hinsta vilja þegar að lífslokum kemur.

Búskipti dánarbúa

Þá er dánarbúum boðið upp á  þjónustu varðandi búskipti, gengið er frá beiðni um einkaskipti, sölu eigna og

frá fjárskiptum erfingja.

Hotel Room with Pillows

Helstu kostir

Aukin þjónusta, enginn aukakostnaður

 

Viðskiptavinir njóta aukinnar þjónustu við fasteignasölu, en greiða sama gjald og ella.

Það eru fasteignasölurnar Eignamiðlun og Torg sem veita afslátt sem nemur greiðsu fyrir þjónustu fyrirtækisins.

Það er góðu samstarfi að þakka að unnt er að bjóða þjónustuna, þér að kostnaðarlausu.

Persónuleg þjónusta

Markmið fyrirtækisins er að hjálpa þér að takast á við breytingar og finna það búsetuform sem hentar þér best.

Fyrsta skrefið er samtal um langanir og þarfir.

Stuðningur á krossgötum

Stórum breytingum getur fylgt mikið tilfinningarót, sérstaklega ef breytingarnar eru vegna áfalla, missis eða annarra atburða. Elín hefur áratuga reynslu af samtali við fólk á tímamótum og að aðstoða viðskiptavini við að taka skref af öryggi, í gleði og sátt.

Þinn fulltrúi, sem sér um þín samskipti

Þegar þú ákveður að nýta þér þjónustu BÚUM VEL tekur Elín að sér að vera talsmaður þinn og umboðsmaður gagnvart mögulegum kaupendum, seljendum og fasteignasölu. Það þýðir að hún verður þér við hlið alla leið í söluferlinu, hún sér um samskipti og tryggir að þú skrifir undir sölusamning og kaupsamning með öryggi og gleði.

 

Umsagnir viðskiptavina

"Við erum búsett í Noregi og nutum þjónustu Elínar við að kaupa íbúð á Íslandi. Hún fann fyrir okkur réttu íbúðina, annaðist öll samskipti við fasteignasöluna og gekk frá kaupunum í okkar umboði. Hún annaðist leigu íbúðarinnar á tímabili og loks seldi hún íbúðina fyrir okkur á síðasta ári. Það var einstakt að njóta þjónustu hennar. Við treystum henni fullkomlega, allt stóðst og við mælum svo sannarlega með þjónustu hennar."

Kristín og Öyvind Kjelsvik

 
Samstarfsaðilar
logo_Eignamiðlun.png
 

Verðskrá

Sala fasteigna

Viðskiptavinir greiða ekki aukakostnað vegna þjónustu BÚUM VEL vegna fasteignasölu, heldur njóta viðskiptavildar fyrirtækisins hjá Eignamiðlun og Torg fasteignasölu.  Hluti sölulauna greiðist til BÚUM VEL og hluti til fasteignasölunnar. Samkvæmt gjaldskrám eru almenn sölulaun fyrir einkasölu á bilinu frá 1,95 til 2,5%.

Kaup fasteigna

Viðskiptavinir greiða tímagjald fyrir þjónustu BÚUM VEL við yfirlestur kauptilboðs, kaupsamnings og afsals. Hafi viðskiptavinur notið þjónustu fyrirtækisins við fasteignasölu, er veittur 25% afsláttur af tímagjaldi. Tímagjald er 19.500 + vsk.

Búskipti, kaupmáli, erfðaskrá og almenn lögmannsþjónusta

Viðskiptavinir greiða tímagjald fyrir þjónustu BÚUM VEL við uppgjör dánarbúa, gerð kaupmála, erfðaskrá,  þjónustu við fyrirframgreiðslu arfs og eða annarrar lögmannsþjónustu.

Hafi viðskiptavinur notið þjónustu fyrirtækisins við fasteignasölu, er veittur 25% afsláttur af tímagjaldi. Tímagjald er 19.500 + vsk.

 

Algengar spurningar

Hvað kostar þessi þjónusta?

Viðskiptavinir greiða ekkert aukalega fyrir þjónustu BÚUM VEL umfram söluþóknun fasteignarinnar sem samið er um við fasteignasöluna. Algengt er að hún sé á bilinu 1,95% til 2,5%. 

Fyrir aðra þjónustu greiðist samkvæmt verðskrá. 

Hvað gerist ef ég hætti við að selja eignina mína?

Þá er greitt tímagjald í samræmi við þá vinnu sem BÚUM VEL hefur innt af hendi. Sjá nánar í verðskrá.

 
Plants and Pottery

Hafið samband

BÚUM VEL hjálpar þér að selja og finna fasteignina sem hentar þér best á þeim tímamótum sem þú stendur á. Það er markmið fyrirtækisins að gera ferlið við búsetuskipti að ánægjulegri upplifun sem þú treystir frá upphafi til enda.

Þetta snýst nefnilega ekki bara um nýtt húsnæði. Þetta snýst um að geta skilið við sitt fyrra heimili í sátt, taka áfram skref af öryggi og geta litið til baka með gleði í hjarta.

Hafið samband til að fá frekari upplýsingar og ráðgjöf varðandi fasteignaskipti og eða aðra þjónustu.

 
  • Facebook

©2020 BÚUM VEL - Sími 783 8600